Tugpa sa prisohan ang usa ka 40 anyos nga ulitawong walay trabaho, tungod nga pagpayuhot og Ilegal nga Drogang Shabu, pinaagi sa gipahigayon nga Joint Drug Buy-bust Operation nga gipangunahan sa mga personahe sa Dipolog City Police Station, nga miyembro sa Special Drug Enforcement Team, didto sa Purok Green Leaves, Barangay Sta. Filomena, Dipolog City, Probinsiya sa Zamboanga Del Norte, niadtong Setyembre 22, 2025 sa may alas 8:59 sa gabie.
Base sa pahayag nga giluwatan sa Dipolog Pnp, giila niini ang diknapan sa alyas nga Bugoy, Lumolupyo sa Sitio Baybay Galas, sa Barangay Galas, ning dakbayan sa Dipolog, ning mao ra usab nga Probinsiya, diin matud pa, atol sa ilang gipahigayon nga operasyon, posetibo nila kining nakuhaan og usa ka gamay nga naka Heat-Sealed Transparent Plastic Sachet, nga adunay sulod nga White Crystalline Substance, ug kini gituohang Ilegal nga Drogang Shabu, nga gibana-banang motimbang og 1 gram, maingon man gibana-bana usab ang kantidad niining makabat ngadto sa Php6,800.00.
Lakib usab nga nakuha gikan sa kontrol ug posisyon sa nasangpit nga dinakpan ang usa ka tibuok nga Php1,000.00 nga maoy gigamit isip Buy-bust Money, maingon man ang kantidad nga Php45.00 sa managlahi nga denominasyon, diin gipadala dayon ngadto sa Zamboanga del Norte Provincial Forensic Unit ang gituohang Ilegal nga Drogang Shabu gikan sa suspect, samtang ang naasoy nga dinakpan nga bag-o lang naila isip Street Level Individual (SLI) atua na ubos sa kustodiya sa Dipolog City Police Station alang na sa tukmang disposisyon.(Julius Esmade)
Source: ZNPPO