Nagtingkagol karon sa prisohan homan masikop ang usa ka Wanted Person nga nag atubang sa kasong Statutory Rape sa Sea Orchids Subdivision, Barangay Nalil, Bongao, Tawi-Tawi, atol sa gikasa nga hiniusang operasyon sa mga personahe sa kapulisan mga alas 10:05 ang takna sa kagabhion niadtong Marso 17, 2026.
Ang maong dinakpan nga suspek naila nga si alyas “Erey” 32 anyos, ulitawo, construction worker, Top 3 Most Wanted Person sa Regional, Provincial, ug City Levels ug residente sa Olingan, Dipolog City, Zamboanga del Norte.
Ang pagkasikop sa suspek gihimo pinaagi sa pagpangulo sa Criminal Investigation and Detection Group (CIDG) Zamboanga del Norte Provincial Field Unit (PFU), sa pakig-alayon sa CIDG BASULTA PFU, Bongao Municipal Police Station (MPS), Tawi-Tawi Provincial Intelligence Unit (PIU), Police Station PIIG del Norte, ug Police Station sa Zamboanga del Norte pinasikad sa Warrant of Arrest nga giisyu ni Hon. Nestor Rabulan Angeles, Presiding Judge sa Family Court, 9th Judicial Region, Branch 3, Dipolog City, nga gipetsahan Disyembre 19, 2024 nga walay girekomendar nga piyansa.
Ang dinakpan gidala ngadto sa Bongao MPS alang sa temporaryong pagbilanggo, samtang gipaabot ang pag-isyu sa angay nga mando sa korte.(MEDALYN U. BORJA)
Source: ZNPPO