USA ka malampusong operasyon ang gikasa sa mga tinugyanan sa balaod pinaagi sa Dapitan City Police Station (CPS), Mabuhay Special Booking Center 5th Special Operations Unit (SOU), ug sa 901st Maneuver Company sa Regional Mobile Force Battalion (RMFB), PRO9,nga miresulta sa pagka aresto sa wanted person nga babaye, pasado alas 3:00 ang takna sa hapon, niadtong Abril 24,2025,didto sa Barangay San Vicente, Dapitan, Zamboanga del Norte.
Naila ang suspek nga si Romelyn Baroca Bendaño, vendor ug residente sa nahisgutang barangay, kinsa nasikop pinasikad sa warrant of Arrest tungod sa paglapas sa National Building Code of the Philippines (Presidential Decree 1096) sa Section 301 in relation to Section 213 sa PD 1096, ubos sa Criminal Case No. 20802 nga giisyu ni Hon. Hilarion Jonathan Garcia Maagad, Presiding Judge sa Municipal Trial Court in Cities (MTCC), 9th Judicial Region, Dapitan City, pinetsahan Abril 23, 2025, nga adunay girekomendar nga piyansa nga Php1,000.00.
Detinado na karon ang suspetsado sa Dapitan City Police Station,homan gipahibalo sa iyang mga katungod sa konstitusyon.(Medalyn U. Borja)
Source: ZNPPO