Malampusong gisilibrar ang 51st Nutrition Month Celebration sa Barangay Hall, Olingan Dipolog City, Hulyo 10, 2025.
Ang maong kalihokan gipasiugda sa Barangay Council sa Olingan nga gipangulohan ni Punong Barangay Hon. Francisca L. Maquiling, kauban ang City Government of Dipolog pinaagi sa City Nutrition Division ubos sa pagpangulo ni City Nutrition Action Officer Ms. Riza Jane B. Zamoras.
Mitambong sa maong selebrasyon sila City Councilor Hon. James Cyril O. Ruiz III, City Veterinarian Dr. Imelda R. Villacrucis, ug si Mr. Isaiah Thomas Lim sa City Nutrition Division, uban ang mga residente ug barangay tanod.
Gipahigayon ang nagkalain-laing lingaw ug edukatibong mga aktibidad sama sa “Healthy Buros”, “Booth Display Contest”, “Jingle Contest”, “Healthy Baby Contest”, “A1 Child”, “Poster and Slogan Making Contests”, “Baby Crawling Contest”, ug uban pang mga parlor games.
Ang selebrasyon nagtumong sa pagpasiugda sa hustong nutrisyon, kahimsog nga panginabuhi, ug aktibong partisipasyon sa komunidad, subay sa nasudnong pag-obserbar sa Nutrition Month matag buwan sa Hulyo.
Nagpasalamat ang Barangay Council sa suporta sa City Government of Dipolog ug sa partisipasyon sa mga residente nga miapil ug mitambong sa maong selebrasyon alang sa kaayohan sa ilang panglawas ug pamilya.(Jumalisa Papa)
Source: Dipolog City Government