Usa ka anti-illegal drug operation nga gihimo sa local law enforcement units ang miresulta sa pagkasakmit sa illegal nga drugas ug pagka sikop sa usa ka 51 anyos nga tigpayuhot sa ilegal nga drugas, mga alas 9:40 ang takna sa kagabhion Hulyo 9,2025,didto sa Purok Buli, Barangay Minaog, ning dakbayan sa Dipolog.
Naila ang dinakpan nga usa ka 51-anyos nga lalaki ,notadong street-level individual nga residente sa nasangpit nga Barangay,kinsa nasikop sa operating unit, uban sa koordinasyon sa Philippine Drug Enforcement Agency (PDEA) Region 9, nga nihimo sa buy-bust operation
Atol sa operasyon nasakmit ang daghang heat-sealed transparent plastic sachets nga adunay sulod nga gituohang shabu nga adunay gibana-bana nga gibug-aton nga 3 gramos, ug adunay standard drug price nga mobalor sa P 20,400.
Lakip sa mga nakumpiskang mga butang nga dili druga mao ang buy-bust money, proceeds money, usa ka open plastic transparent cellophane, usa ka disposable lighter, ug usa ka pakete sa sigarilyo nga gigamit isip sudlanan.
Ang mga nakumpiska nga drug items gidala sa Zamboanga del Norte Provincial Forensic Unit alang sa makuting eksaminasyon, samtang ang dinakpan anaa na karon sa kustodiya sa Dipolog City Police Station alang sa tukmang disposasyon ug pagpasaka sa tukmang kaso. (Medalyn U. Borja)
Source: ZNPPO