Malampusong gipahigayon ang selebrasyon sa 51st Nutrition Month pinaagi sa pakigtambayayong sa City Nutrition Division ug Barangay Council sa Lugdungan, didto sa barangay covered court kagahapon Hulyo 17, 2025, sa Barangay Lugdungan, Dipolog City.
Ang maong kalihokan gipangulohan ni City Nutrition Action Officer Ms. Riza Jane B. Zamoras, uban ang suporta nila City Veterinarian Dra. Imelda R. Villacrucis, Ms. Myrna A. Descallar sa City Agriculture Office, ug Punong Barangay Hon. Paterno L. Laclac, kauban ang ubang lokal nga opisyales ug mga residente.
Naglakip ang kalihokan sa Booth Display Contest, Healthy Baby Contest, Milk Drinking Contest, ug ubang mga aktibidad nga nagtumong sa pag-edukar ug paghatag kalingawan kabahin sa nutrisyon.
Dugang pa, aktibo usab ang partisipasyon sa City Agriculture Office pinaagi sa pag-apod-apod og mga liso sa utanon ngadto sa mga residente, isip suporta sa home gardening nga gitumong isip pangmalungtaron nga solusyon sa pagkaon ug nutrisyon sa matag panimalay.(Jumalisa Papa)
Souce: Dipolog City Government