Dakpan sa Kapulisan ang usa ka 19 anyos nga Lalaki tungod sa kasong Slight Physical Enjuries, sa gipahigayon nga Operasyon sa mga Personahe sa Dipolog City Police Station (DCPS), didto sa Baragay Sta. Filomena, Dakbayan sa Dipolog, ning Probinsiya sa Zamboanga Del Norte, niadtong Hulyo 16, 2025 sa may alas 12:00 sa udto.
Giila sa Dipolog Pnp ang dinakpan sa alyas nga Chrismark, ulitawo nga usa ka High School Level Student, ug Lumolupyo sa Purok 5, sa Barangay Sta. Isabel, sa nahisgutang Syudad ug Probinsiya, diin gisikop ang naasoy nga Suspetsado, pinaagi sa gipahigayon nga Pag-serve og Warrant of Arrest sa kasong Slight Physical Enjuries, nga naka Doket ubos sa Criminal Case Number 25037, nga giisyu ni Florendo Bolante Opay, ang Presiding Judge sa Regional Trial Court, Branch 7, Dipolog City, penitsahan og Pebrero 22, 2024.
Hinuon gihatagan og katungod sa korte ang dinakpan nga makaangkon og Temporaryong Kagawasan kon siya makatunol og kantidad nga Php3,000.00 isip Pyansa niini, sa iyang nabuhat nga Salaod, samtang ang dinakpan atua na ubos sa Kustodiya sa Dipolog City Police Station alang na sa tukmang Disposasyon. (Julius Esmade)