Duyog sa kasaulogan sa adlawng natawhan ni Zamboanga del Norte Governor Darel Dexter T. Uy, gihatagan og 470 ka food packs ang mga pasyente ug healthcare workers sa Corazon C. Aquino Hospital (CCAH) sa Barangay Biasong isip kabahin sa outreach activity niadtong Agosto 1.
Gipangulohan ang kalihokan nila City Councilor Praxides P. Rubia, City Social Welfare and Development Officer Patrick S. Jalapadan, ug Officer-in-Charge City Human Resource Management Officer Flora V. Atamosa.
Gawas sa paghatag og food packs, gipadayag usab sa mga tigpasiugda ang ilang pagpasalamat sa mga healthcare workers alang sa ilang walay hunong nga pag-alagad, samtang gipalig-on ang moral ug gihatagan og gamayng kalipay ang mga pasyenteng nagpaayo sa ospital.
Kini nga outreach activity kabahin sa selebrasyon sa adlawng natawhan ni Governor Uy pinaagi sa paghatag og serbisyo ug suporta sa mga nanginahanglan.(IKEN B. GULLEM)
Source: Dipolog City Government