Naballigi ti panangisayangkat ti Local Government Unit (LGU) ti Paoay, babaen ti Municipal Health Office (MHO), iti aktibidad ti PuroKalusugan babaen ti pannakitinnulong ti Department of Health – Ilocos Norte Center for Health Development (DOH-CHD), agraman ti Serbisyo Diretso Outreach Program ti Gobierno Munisipal, iti Barangay Pasil. Ti PuroKalusugan, inpaay ti MHO ken DOH-CHD kadagiti serbisio iti salun-at kas iti medical consultations, health assessments, wellness counseling, ken health education sessions a naipamaysa iti pananglapped iti sakit ken nasalun-at a panagbiag. Ti Serbisyo Diretso Outreach Program ket nangipaay iti nadumaduma a serbisio ti munisipio manipud iti on-site processing iti nadumaduma nga opisina, agraman dagit civil registration, documentary support ken dadduma pay a nasken a serbisio publiko a kasapulan ti komunidad. Intampok ti programa ti panagkumit ti LGU a mangipasigurado iti episiente, people-centered government a mangipangpangruna iti convenience ken accessibility para iti tunggal Paoayeño. By: Niña Tabilos