Mikabat sa 447 ka mga donor ang malampusong naka donar ug dugo atol sa selebrasyon sa National Blood Donors Month, karong bulana nga gipahigayon niadtong sa Hulyo 9,2026.
Ang maong aktibidad gihimo ubos sa pagdumala sa mga KAWANI gikan sa Department of Health Zamboanga Peninsula Center for Health Development (DOH ZP CHD) pinaagi sa mobile blood donation sa tibuok rehiyon ilabi na sa Zamboanga del Norte.
Sa 447 ka mga donor, 331 niini gikan sa Munisipyo sa Salug, samtang 116 ang gikan sa Munisipyo sa Rizal diin ang programa nahimong malampuson pinaagi sa pagpangulo ug aktibong suporta sa tagsa-tagsa ka Municipal Local Government Units (LGUs)ingon man inubanan sa ilang mga Municipal Health Office (MHO).
Ang tibuok probinsya sa Zambonga del Norte gilauman nga adunay dugang pa nga mga mobile blood donation drive nga ipahigayon sa umaabot.(MEDALYN U. BORJA)
Source: DOH Zamboanga Peninsula CHD