Nasakmit sa mga personahe sa kapulisan ang mobalor sa kapin P10,000 nga kantidad sa ilegal nga drugas gikan sa usa ka indibidwal atol sa gipatoman nga buy-bust operation didto sa Barangay Manaol,Siocon , Zamboanga del Norte, Hulyo 9,2026.
Ang maong indibidwal kinsa gidakop ug nasakmitan sa kapulisan ug mutimbang sa 1.5 gramos sa gituohang shabu nga adunay gibanabanang balor nga Php 10,200.00 .
Ang pagkadakop sa nasangpit nga indibidwal ug pagkakumpiska sa ilegal na drugas gihimo pinaagi sa mga personahe sa Siocon MPS, 2nd ZNPMFC, ug 905th MC RMFB9, uban sa koordinasyon sa PDEA 9.
Kining malampusong operasyon nagpakita sa lig-on nga dedikasyon sa atong mga personahe sa pakigbatok sa ilegal nga droga ug sa ilang padayon nga paningkamot aron mapanalipdan ang komunidad.(MEDALYN U. BORJA)
Source: Siocon Municipal Police Station