Dakpan ang usa ka notadong Street Level Individual (SLI) atol sa gipatoman nga buy bust operation sa mga personahe sa kapulisan mga alas 9:40 sa gabii niadtong Mayo 21, 2026, didto sa Barangay Upper Kauswagan, Baliguian, Zamboanga del Norte.
Naila ang nadakpan nga suspek usa ka 25 anyos, minyo, usa ka mag-uuma, SLI ug residente sa Barangay Nonoyan, Baliguian, Zamboanga del Norte.
Gidakop pinaagi sa mga operatiba sa MDET sa Baliguian Municipal Police Station (MPS) isip lead unit, uban sa koordinasyon sa mga personahe gikan sa 2nd ZNPMFC, tungod sa paglapas sa Republic Act 9165, o nailhan usab nga Comprehensive Dangerous Drugs Act of 2002.
Nakumpiska atol sa operasyon ang laing-laing pakete sa gituohang shabu, Php 500.00 nga marked money ug uban pang mga butang nga dili druga.
Ang nakumpiska nga mga ebidensya sa droga gibanabanang motimbang og kapin o kulang 1.10 gramos ug ang gibanabanang presyo sa droga kay Php 7,480.00.
Ang nadakpang suspek anaa karon sa kustodiya sa Baliguian MPS alang sa hustong disposisyon, samtang ang nakumpiska nga mga ebidensya sa droga itugyan ngadto sa Zamboanga del Norte Provincial Forensic Unit Liloy Satellite Office, Barangay Fatima, Liloy, Zamboanga del Norte, alang sa laboratory examination.(MEDALYN U. BORJA)
Source: ZNPPO