Kapin ₱32 milyon nga kantidad sa mga proyekto ang opisyal nga giturnover sa Barangay Pange, Siayan nga gilauman makapalig-on sa batakang serbisyo ug imprastraktura sa komunidad.
Gipangunahan ni Congresswoman Irene Labadlabad ang turnover sa mga proyekto nga naglakip sa road concreting nga nagkantidad og ₱20 milyon, 2-storey school building nga adunay unom ka classrooms nga nagkantidad og ₱7.5 milyon, covered court nga nagkantidad og ₱2.25 milyon, ug electrification project nga nagkantidad og ₱2.4 milyon.
Matud pa, ang maong mga proyekto maghatag og mas maayong access sa edukasyon, mas paspas nga transportasyon, ug mas kasaligan nga suplay sa kuryente alang sa mga residente sa barangay.
Kini nga proyekto gidawat sa lokal nga panggamhanan sa barangay nga gipangulohan ni Brgy. Captain Fernando Tanyap, uban sa presensya ni Mayor Ali Bongcawel ug Board Member Jojo Documento nga nagrepresentar sa provincial government.
Gituohan nga kini nga mga kalambuan makahatag og dugang oportunidad ug mas maayong kalidad sa kinabuhi sa mga lumulupyo sa maong lugar.(IKEN B. GULLEM)
Source: Irene “Ate Ai” Labadlabad