Bugnaw nga prisohan gipadulngan karon sa upat ka drug suspek sa pagpayuhot sa ilegal na drugas homan masapon sa mga personahe sa kapulisan atol sa gipatoman nga drug buy-bust operation mga alas 11:33 ang takna sa kagabhion niadtong Abril 28,2026 didto sa Purok Orchids, Brgy.Gulayon Dipolog.
Naila ang mga dinakpan nga sila si alyas “Anton” 36 anyos, residente sa Gulayon, alyas “Mar” 31 anyos residente sa Gulayon, alyas “Tanley” 34 anyos usa ka mechanics, residente sa Manukan ZDN ug alyas “Moy-moy” 56 anyos ug residente ra usab sa Gulayon Dipolog, puros lalaki ug bag-ong nailhan nga mga Street Level Individual (SLI).
Ang pagdakop sa mga nasangpit nga drug suspek gihimo pinaagi sa mga personahe sa ZNPDEU (Lead Unit) pinangulohan sa OIC-ZNPDEU, uban sa Dipolog CPS.
Nakuha gikan sa mga suspek atol sa operasyon mao ang Usa ka piraso nga small-sized heat sealed transparent plastic sachet nga adunay puti nga crystalline granules nga gituohang “shabu” isip buy-bust item , Duha ka piraso nga small-sized heat sealed transparent plastic sachet nga adunay sulod nga white crystalline granules nga gituohang shabu isip posesyon.
Usa ka piraso nga large-sized heat sealed transparent plastic sachet nga adunay sulod nga white crystalline granules nga gituohang shabu ,posesyon, Usa ka P500 peso bill isip buy-bust money, usa ka itom nga pouch magsilbi nga sudlanan sa drug item, Usa ka unit nga Smartphone brand IPHONE nga kolor itom nga adunay case, usa ka brown nga pouch magsilbi nga sudlanan sa drug item,Usa ka buok nga basiyo sa marlboro cigarette pack nagsilbing sudlanan sa mga drug items.
Gibana -bana nga mutimbang sa 8 ka gramos ang gibug-aton sa nakuhang ilegal drugas nga adunay kantidad nga Php 54,400.00.
Ang mga nasakmit nga drug items i-turnover sa ZDN Provincial Forensic Unit para sa inisyal nga pagtimbang ug eksaminasyo uban sa mga suspek alang sa drug testing.(MEDALYN U. BORJA)
Source: OIC, ZNPDEU