Nagpirma og Memorandum of Agreement ang LGU sa Godod ug Department of Environment and Natural Resources aron mapanalipdan ug mapreserbar ang Caguindangan Cave 1 nga nahimutang sa Barangay Raba, Godod, Zamboanga del Norte.
Gipahigayon ang pirmahanay sa Godod Municipal Hall diin mitambong ang mga opisyal sa lokal nga panggamhanan, DENR, barangay leaders ug uban pang stakeholders isip panagtinabangay sa pag-atiman sa maong natural nga atraksyon.
Gipangunahan ang kalihokan ni Mayor Richie Uy uban ni DENR Assistant Regional Director Cidur S. Julsadjiri, diin gipasiugda nga tumong sa kasabutan ang hustong pagdumala sa langub ug paglikay sa kadaot ug ilegal nga mga kalihokan.
Sumala sa mga opisyal, gilauman nga makatabang kini sa pagpalambo sa turismo sa lungsod samtang gipadayon ang pagpanalipod sa kinaiyahan, ug maghatag usab og oportunidad sa panginabuhian sa mga residente nga duol sa lugar.(JENIFFER JR. DELICA)
Source: Zamboanga del Norte Provincial News Network