Nangrugin ti 17th Farmers Festival iti siudad ti Batac ita nga aldaw May 1, 2026, daytoy a selebrasion ket maipakita ti panagayat ken suporta kadagiti mannalon ti siudad.
Ti umuna a programa ket “Grow a bamboo Activity” a naangay iti rural barangays iti siudad. Sumaruno daytoy ti ‘Thanks Giving Mass’ iti ‘Immaculate Conception Parish’. Naangay met ti opisial a pannakalukat ti ‘Kadiwa ng pangulo’ nga indauluan da Mayor Markee Chua, Vice Mayor Albert Chua, MMSU President Virgilio Julius Manzano ken dagiti miembro ti Sanggunian. Ti Kadiwa ng pangulo ket mabalin a paggatangan ti produkto dagiti mannalon kas kuma ti presko a nateng, prutas, ikan ken nadumaduma a delicacies manipud kadagiti nadumaduma a barangay. Naangay pay ti ‘Salo-Salo sa mirienda’ nu sadinno ket naruay a native delicacies kas dudul, tupig ken dadduma pay. Ti selebrasion ket mangpakita iti kinapateg, ken naindaklan a panangsuporta iti sektor ti agrikultura a mang pa dur-as ti produksyon ken ekonomia iti siudad.