Sikop ang usa ka 38 anyos nga bag-ong nailhan nga Street level individual (SLI) atol sa gikasa nga buy-bust operation sa mga personahe sa kapulisan mga 11:50 ang takna sa kagabhion niadtong Enero 18, 2026, didto sa Brgy. Poblacion, Leon Postigo, Zamboanga del Norte.
Ang maong dinakpan naila nga usa 38 anyos nga lalaki, adunay live-in partner, habal-habal driver, ug residente sa Brgy. Poblacion, Leon Postigo, Zamboanga del Norte,nailhan nga usa ka Street-Level Individual (SLI).
Ang pagkasikop sa suspek gihimo pinaagi sa mga personahe sa Leon Postigo Municipal Police Station (Leon Postigo MPS) (lead unit) uban sa Zamboanga del Norte Police Drug Enforcement Unit (ZNPDEU).
Atol sa operasyon nakumpiska sa kapulisan gikan sa dinakpan ang usa ka heat-sealed transparent plastic sachet nga adunay sulod nga gituohang shabu isip buy-bust item,pito ka heat-sealed transparent plastic sachet nga adunay sulod nga gituohang shabu isip (possession),usa ka Php 500.00 nga marked money ug ang duha ka gramo sa gituohang shabu nga gibana-bana nga nagkantidad og Php 13,600.00.
Ang mga nakumpiskang droga gidala sa Zamboanga del Norte Provincial Forensic Unit alang sa laboratory examination, samtang ang nadakpang suspek anaa sa kustodiya sa Leon Postigo MPS alang sa hustong disposisyon.(MEDALYN U. BORJA)
Source: ZNPPO