Mitambong ang 35 ka lider sa Local Government Unit Persons with Disability Affairs Office (PDAO) gikan sa nagkalain-laing lungsod sa Zamboanga del Norte sa tulo ka adlaw nga Basic Sign Language Training sa Top Plaza Hotel, Dipolog City. Gipangulohan kini sa Provincial Social Welfare and Development Office ubos sa liderato ni Gobernador Darel Dexter T. Uy.
Gipunting sa training ang pagpalig-on sa kahibalo ug kahanas sa Filipino Sign Language aron mas epektibong makig-communicate ug makaserbisyo sa mga Persons with Disabilities, labi na ang Deaf community. Si PSWDO Officer Hannah Lou G. Mandantes nag-awhag sa mga partisipante sa paggamit sa ilang nahibal-an sa adlaw-adlaw nga serbisyo.
Ang tulo ka adlaw nga kalihokan usa ka lakang sa probinsya aron masiguro nga ang tanan nga PWDs madungog, masabtan, ug matabangan sa tibook lalawigan.(JENIFFER JR. DELICA)
Source/Photo Courtesy: Zamboanga del Norte Provincial News Network