Maabtikon nga miresponde ang Dapitan City Fire Station (Shift A) niadtong Nobyembre 19, 2025 sa usa ka emergency medical call sa Dapitan City National High School sa Lawa-an, Banonong, ubos sa pagpangulo ni Acting City Fire Marshal FSINSP Rommel M. Rojas, REE.
Pag-abot sa lugar, ilang nakita ang 17-anyos nga babaye nga anaa sa panimuot pero luya ug luspad ang ngabil. Dali dayung gitabangan ang babaye pinaagi sa paghatag og oxygen ug pag-monitor sa iyang kahimtang samtang gina-check ang vital signs.
Gidala dayon ang pasyente sa Dr. Jose Rizal Memorial Hospital human makuha ang pagtugot sa iyang kauban. Ang maong aksyon nagpakita sa kaandam sa mga BFP panahon sa pagresponde og pagsalbar sa kinabuhi.(JENIFFER JR. DELICA)
Source/Photo Courtesy: BFP R9 Dapitan City Fire Station