Dakpan ang usa ka 35 anyos nga Street Level Individual atol sa gipatoman nga drug buy-bust operation sa mga personahe sa kapulisan mga alas 7:00 ang takna sa gabii niadtong Mayo 10, 2026, didto sa Brgy. Villaramos, Manukan, Zamboanga del Norte.
Ang maong dinakpan naila nga lalaki, ulitawo, walay trabaho, ug residente sa Brgy. Sudlon, Molave, Zamboanga del Sur, kinsa gidakop pinaagi sa mga personahe sa Manukan Municipal Police Station
tungod sa paglapas sa Republic Act 9165 o ang Comprehensive Dangerous Drugs Act of 2002.
Atol sa operasyon nakumpiska gikan sa dinakpan ang nagkadaiyang pakete sa gituohang shabu nga mutimbang og kapin o kulang 3.8 gramos nga adunay gibanabanang Standard Drug Price nga mokabat sa PHP 25,840.00.
Ang nakumpiska nga mga butang sa droga itugyan ngadto sa Zamboanga del Norte Provincial Forensic Unit alang sa laboratory examination, samtang ang nadakpan nga suspek anaa karon ubos sa protective custody sa Manukan Municipal Police Station alang sa hustong disposisyon.(MEDALYN U. BORJA)
Source: ZNPPO