Usa ka 34-anyos nga residente sa Minaog nga nag-antos sa Myeloproliferative Neoplasms (MPNs), usa ka talagsaon ug seryosong klase sa blood cancer, nakadawat ug medikal nga pinansyal nga tabang gikan ni Governor Darel Dexter Uy.
Giatol mismo ni Gov. Uy ang ayuda atol sa usa ka mubo apan mapiyasong turnover sa provincial office, ilalom sa programa sa probinsya nga mitumong sa pagtabang sa mga lumulupyo nga adunay grabeng panglawas nga hagit. Sumala sa gobernador, ang maong pinansyal makatabang sa pagpakunhod sa gasto sa pasyente.
Mapasalamaton usab ang pasyente sa aktibo nga suporta sa probinsyal nga pangagamhanan nga makapadayon sa iyang treatment. Samtang, ang provincial government padayon sa pagpalig-on sa mga health programs aron matabangan ang mga nag-atubang sa seryosong kondisyon sa panglawas ug aron mapalapdan ang serbisyo sa kaluwasan ug kahimsog sa mga katawhan.(IKEN B. GULLEM)
photo courtesy: Zamboanga del Norte Provincial News Network