Malampusong natapos ang SALIBAGO (Salug, Liloy, Bacungan, Godod) Cluster Meet 2025 nga gipahigayon sa lungsod sa Salug, kaniadtong Nobyembre 6–8, 2025, uban ang bug-os nga suporta ni Municipal Mayor Dr. Ruth M. Brillantes.
Gipakita sa tulo ka adlaw nga torneyo ang kadasig, kusog, ug determinasyon sa mga atleta gikan sa nagkadaiyang munisipyo. Naglakip kini ug lain-laing athletic events ug dula diin mihayag ang abilidad, teamwork, ug sportsmanship sa matag delegado.
Ang kalihukan misangkap sa mas gam-ong panaghiusa tali sa mga silingang lungsod ug misangkap sa pagpalambo sa himsog nga kompetisyon. Ang Cluster Meet nagdala sa usa ka dako nga delegasyon nga naglangkob sa mga partisipante gikan Salug (394), Liloy (580), Bacungan (289), ug Godod (507) ka partisipante, lakip na ang officiating officials ug tournament managers nga nagtinabangay aron masiguro ang hapsay nga pagdagan sa tibuok kalihukan.
Padayon ang SALIBAGO Cluster Meet sa pagpasiugda sa kalig-on sa sports, youth development, ug panaghiusa sa mga komunidad sa habagatang bahin sa lalawigan.(IKEN B. GULLEM)
Source: Municipality of SALUG