Nagpahigayon og duha ka adlaw nga Barangay Nutrition Management Program seminar ang Lokal nga Panggamhanan sa Gutalac pinaagi sa Municipal Nutrition Action Office niadtong Marso 12 ngadto sa 13 alang sa 33 ka Barangay Nutrition Scholars sa lungsod.
Gipangunahan ni Municipal Mayor Eddie Justin Quimbo ug ni MNAO Designate Mishera Camino ang maong kalihokan nga nagtumong sa pagpalig-on sa kahibalo ug kapasidad sa mga Barangay Nutrition Scholars sa pagpatuman sa mga programa sa nutrisyon sa matag barangay.
Sa seminar, gihatagan og dugang kahibalo ang mga partisipante aron mas mapalambo ang paghatag og serbisyo sa nutrisyon ug kahimsog sa komunidad.
Padayon ang lokal nga panggamhanan sa Gutalac sa pagpalig-on sa mga programa sa nutrisyon aron masiguro ang mas himsog ug lig-on nga panglawas sa mga residente sa lungsod.(JENIFFER JR. DELICA)
Source: LGU Gutalac- Public Information