Nagpahigayon og Fire Square Challenge activity ang mga personnel sa Bureau of Fire Protection Liloy sa Silucap High School aron mapalambo ang kahibalo sa mga estudyante kabahin sa fire safety ug emergency awareness.
Gipangunahan ni Acting Municipal Fire Marshal FINSP Dave C. Dela Cruz ang kalihokan diin aktibong miapil ang mga estudyante pinaagi sa teamwork, quick thinking, ug interactive learning activities.
Gipasabot sa mga bombero ang kahinungdanon sa fire prevention ug hustong pagresponde sa emerhensiya aron malikayan ang posibleng sunog sa komunidad.
Ang maong kalihokan kabahin sa padayon nga kampanya sa BFP sa pagpalig-on sa kahandaan ug kaluwasan sa publiko batok sa sunog.(JENIFFER JR. DELICA)
Source: BFP R9 Liloy Fire Station