Balhog karon sa prisohan homan masapon sa kapulisan ang usa ka 33 anyos nga babaye nga wanted sa kasong Grave Oral Defamation mga alas 12:50 sa udto niadtong Disyembre 3, 2025, Barangay Sto. Niño, Dapitan City, Zamboanga del Norte.
Ang maong dinakpan nga wanted person giila nga si alyas “Rose” 33 anyos, babaye, minyo, walay trabaho, ug residente sa Purok Lucas, Barangay Sto. Niño, Dapitan City, Zamboanga del Norte.
Ang pagkasikop sa suspetsado gihimo pinaagi sa malampusong operasyon gihimo sa Warrant Server sa Dapitan City Police Station (CPS) uban sa koordinasyon sa mga operating support units pinasikad sa warrant of arrest alang sa Grave Oral Defamation, nga gi-docket ubos sa Criminal Case No. 20975, nga giisyu sa Municipal Trial Court in Cities (MTCC), 9th Judicial Region, Dapitan City, pinetsahan og Disyembre 2, 2025, nga adunay girekomendar nga piyansa sa kantidad nga Php 6,000.
Gipahibalo ang dinakpan sa tukma nga hinungdan sa iyang pagdakop ug iyang katungod sa konstitusyon sa usa ka diyalekto nga hingpit niyang nasabtan ug anaa kini karon sa kustodiya sa Dapitan City Police Station alang sa tukmang dokumentasyon, medical examination, ug dugang legal nga disposisyon.(MEDALYN U. BORJA)
Source: ZNPPO