Aktibong miapil ang mga personahe sa Department of Agrarian Reform (DAR) Zamboanga del Norte sa Cascading Session on Gender Sensitivity Training alang sa DAR-SPLIT Project Implementers sa Mindanao Group nga gipahigayon sa Oazis Resort, Butuan City, gikan Disyembre 1–5, 2025.
Ang kalihukan nagtumong sa paghatag ug pinakabag-ong giya ug paglig-on sa integrasyon sa Gender and Development (GAD) sa tanang programa ug serbisyo sa DAR. Si Ms. May Angelica Saludez sa Philippine Commission on Women (PCW) mibutyag sa importansya sa pag-aplikar sa GAD principles sa adlaw-adlaw nga operasyon aron masiguro nga ang mga palisiya ug interbensyon motubag sa panginahanglan sa lalaki ug babaye sa agrarian communities.
Pinaagi sa pag-apil sa training, nagpalig-on ang DAR Zamboanga del Norte sa ilang paningkamot sa paghatag ug mas sensitibo ug epektibong serbisyo alang sa Agrarian Reform Beneficiaries (ARBs).(IKEN B. GULLEM)
Source: DAR Zambonorte