Dakpan ang usa ka 53 anyos na vulcanizer nga nalista isip Top 4 Most Wanted Person City Level atol sa gikasa nga joint manhunt operation sa mga tinugyanan sa balaod mga alas 7:50 ang takna sa kagabhion niadtong Pebrero 11, 2026,didto sa Brgy. Cawa-Cawa, Dapitan, Zamboanga del Norte.
Naila ang dinakpan nga wanted person nga usa ka lalaki 53 anyos nga lalaki, ulitawo, nagtrabaho isip vulcanizer, ug residente sa susamang Barangay kinsa gidakop pinaagi sa mga personahe sa Dapitan City Police Station uban sa supporting units pinasikad sa Warrant of Arrest tungod sa paglapas sa Section 5 ug Section 11, Article Il sa Republic Act 9165, nga gi-docket ubos sa Criminal Case Nos. 27410 ug 27411, nga gi-isyu sa Regional Trial Court, Branch 8, Dipolog City nga gipetsahan Pebrero 11, 2026.
Ang nadakpang suspek gipahibalo sa hinungdan sa iyang pagkadakop ug mga katungod sa konstitusyon sa usa ka pinulongan nga iyang nasabtan ug anaa na kini karon sa kustodiya sa Dapitan City Police Station alang sa hustong disposisyon.(MEDALYN U. BORJA)
Source: ZNPPO