Nakumpiskahan sa mga personahe sa kapulisan ug balor sa kapin P20,000 ka pesos nga kantidad sa ilegal na drugas ang usa ka ka 32 anyos nga lalaki atol sa gipatoman nga buy-bust operation mga alas 8:10 sa kagabhion niadtong Hulyo 5, 2026, didto sa Purok Sakayanon, Brgy. San Vicente, Dapitan City, Zamboanga Del Norte.
Ang maong dinakpan naila nga usa ka lalaki,ulitawo,laborer ug residente sa Purok Mangga, Brgy. San Vicente, Dapitan City, Zamboanga Del Norte, notadong Street Level Individual (SLI) sa Illegal Drugs watchlist sa Dapitan CPS, tungod sa paglapas sa Republic Act No. 9165, nailhan usab nga Comprehensive Dangerous Drugs Act of 2002.
Gidakop mga operatiba sa Dapitan CPS sa pakig-alayon sa Mabuhay SBC 5th SOU-MG.
Nasakmit sa mga awtoridad gikan sa dinakpan mao ang gibana-bana nga 3 gramos nga gidudahang shabu, uban sa nagkalain-laing mga gamit sa droga ug mga butang nga dili droga, nga gibanabanang mobalor og P20,400.00.
Ang suspek gipahibalo sa hinungdan sa iyang pagkadakop ug mga katungod sa Konstitusyon (Miranda Warning) ug Anti-torture Act sa usa ka diyalekto nga iyang hingpit nga nasabtan ug kasamtangang gikustodiya sa Dapitan City Police Station alang sa pagpaabot sa pagpasaka sa tukmang reklamo.
Samtang ang tanang nakumpiska nga mga butang gi-imbentaryo na ug gisumite sa Zamboanga del Norte Provincial Forensic Unit-9 alang sa chemical examination.(MEDALYN U. BORJA)
Source: ZNPPO