Mutimbang sa 2 ka gramos sa gidudahang shabu ang malampusong nakumpiska sa mga personahe sa kapulisan gikan sa usa ka drug suspek atol sa gikasa nga buy bust operation mga ala 1:10 sa kadlawon niadtong Hulyo 5, 2026, didto sa Purok Nipa, Brgy. San Pedro, Dapitan City, Zamboanga Del Norte.
Naila ang dinakpan nga usa ka 39-anyos nga lalaki, adunay live-in partner, laborer ug residente sa Purok Talisay, Brgy. San Vicente, Dapitan City, Zamboanga Del Norte, kinsa natala isip Street Level Individual (SLI) sa Illegal Drugs watchlist sa Dapitan CPS, tungod sa paglapas sa Republic Act No. 9165, nailhan usab nga Comprehensive Dangerous Drugs Act of 2002.
Gidakop pinaagi sa mga personahe sa Dapitan CPS sa pakig-alayon sa Mabuhay SBC 5th SOU-MG.
Nasakmit sa mga awtoridad gikan sa dinakpan ang gibana-bana nga 2 gramos nga gidudahang shabu, nga nagkantidad sa P13,600.00, uban sa nagkalain-laing mga butang nga dili droga.
Ang dinakpan gipahibalo sa hinungdan sa iyang pagkadakop ug mga katungod sa Konstitusyon ubos sa (Miranda Warning) ug Anti-torture Act sa usa ka diyalekto nga iyang hingpit nga nasabtan ug anaa na kini karon kasamtangang gikustodiya sa Dapitan City Police Station alang sa pagpaabot sa pagpasaka sa tukmang reklamo.
Samtang ang mga nakumpiska nga mga butang gi-imbentaryo na ug gisumite sa Zamboanga del Norte Provincial Forensic Unit-9 alang sa chemical examination.(MEDALYN U. BORJA)
Source: ZNPPO