Mikabat sa 30 ka mga Person’s Deprive of Liberty (PDL) ang misalmot sa gipahigayon nga 3-Day Seminar alang sa dual drum composter nga nagdala sa tema nga “Dalawang dram,iisang layunin-linisan at buhayahin ang kapaligiran” nga gisugdan niadtong Hulyo 15,2025.
Ang maong seminar gihimo pinaagi sa usa ka mabungahon nga pagbansay, nga nagtugot sa 30 ka PDL nga makakat-on dili lang sa saktong operasyon kon dili usab unsaon pag-troubleshoot ug pagmentinar sa composter mismo.
Nahimong guest speaker ug mga bisita sa pasilidad maong mga personahe gikan sa Department of Science and Technology, Industrial Technology Development Institute (DOST – I.T.D.I) mao sila si Mr. Sammuel S. Sario-Science Research Technician 4 ug Mr. Glenn Joseph C. Franes- Science Reasearch Analyst, uban ni Ms. Shiryll Garcia, Mr. Dinnes Pedro-dingso, Ms. Cindy Ob-nialdy, ug Mr. Zaldy Paderes nga maoy nanguna ug mapailubon nga naggiya sa mga partisipante.
Pinaagi niini nga seminar mapakita ang praktikal nga pamaagi nga nagsiguro nga ang matag PDL makakuha og bililhon nga mga kahanas nga magamit bisan sa unahan sa pasilidad.(Medalyn U. Borja)
Source: BJMP Dipolog City Jail Male Dormitory