Ang Mayor ning dakbayan sa Dipolog nga si Mayor Roberto “Berto” Y. Uy, personal nga nanguna sa paghatag ug ayudang pinansyal nga gilangkuban sa burial ug medical cash assistance niadtong Hulyo 16, 2025 sulod sa buhatan sa Mayor’s Office ning syudad sa Dipolog.
Ang maong ayudang pinansyal nga burial ug medical cash assistance nadawat sa usa ka residente sa Dipolog nga si Ms. Teresita Yapchiongco, pinaagi kang Ms. Kiren H. Temple diin ang nasangpit nga ayuda kabahin sa programa sa lokal nga panggamhanan nga nagtinguha sa pagtabang sa mga residente nga nagkinahanglan, ilabi na sa panahon sa krisis ug emerhensya.
Kahibalo-an nga usa sa mga prayoridad ni Mayor Uy mao ang pagpadayon sa paghatag og suporta sa mga lumulupyo sa siyudad ilawom sa iyang liderato, pinaagi sa tinuoray nga pagtagad ug serbisyo sa katawhan.(Jumalisa Papa)
Source: Dipolog City Government