Padayon pang nagpaalim sa tambalanan ang 3 ka mga rebeldeng NPA nga nadakpan sa armadong kusog sa pilipinas pinaagi sa 97th Infantry” kalasaglahe” Battalion ug 42nd Infatry “tagapagtanggol” Battalion, human nakaangkon sa samad pinusilan sa natigayong engkwentro niadtong Byernes, sa Brgy. Nazareth, Sergio Osmeña, Zamboanga del Norte (ZDN).
Ang maong engkwentro milungtad sa dyes (10) minutos nga panag-gubat sa dili mo ubos 15 ka mga rebelde nga sakop sa BBC sa Western Mindanao Regional Party Committee (WMRPC).
Giila sa militar ang mga nadakpa nga sila si Antonia Morato alyas Celing, 57 anyos Platoon Medic, myembro sa Baking Squad 2; Villamor Galleon alyas Badong, 64 anyos, myembro sa team Abe Squad 2; ug Rosalinda Saberon Alyas Nida, 53 anyos, myembro sa Team Baking Squad 1.
Nakuha usab sa mga sundalo ang mga cellphone, medical paraphernalia, pagkaon ug personal nga gamit sa mga rebelde.
Matod pa ni LT. Col Nolasco Coderos Jr, ang commanding officer sa 97th IB, nagpasalamat sila sa mga tawo tungod kay wala nagmakuli sa pag sumbong ang mga residente kalabot sa presensya sa mga NPA sa ilang lugar, duha ka kelometros Ang gilay-on gikan sa Sentro sa Brgy. Nasareth.
Padayon karong gi awhag ni Lt. col. Coderos, ang nahabiling NPA nga mo balik na sa sabakan sa gobyerno ug pahimuslan ang gitanyag nga livelihood program gikan sa ELCAC.
Gikataho nga Wala ray samdan Ang habig sa tropa sa gobyerno.(NENA GARCIA, RPN DXKD Correspondent)