Dipolog: 3 ka eskwelahan salug nahatagan ug construction suplay ni Mayor Maribojoc

Laing tulo ka tunghaan sa Salug, Zamboanga del Norte ang nakadawat ug construction supply gikan sa opisina ni Mayor William Maribojoc.

Ang Lipakan Elem. School gihatagan ug 31 ka sako sa semento, Bacong Central School, 35 ka square bar (12mm), ug Binoni Elem. School, 50 ka hollow blocks, 7 ka sako sa semento ug 10 ka marine plywood.

Kini nga suplay gikuha gikan sa Especial Education Fund alang sa mga proyektong ipatuman sa eskwelahan.

Mapasalamaton usab ang mga pangulo sa tunghaan tungod kay wala gilangan ni mayor Maribojoc ang ilang hangyo para sa proyekto sulod sa tulunghaan.