Ang aksidenti nahitabo pasado alas 4:00 sa kadlawon, Hunyo 28, 2023, didto sa intersection sa AS Fortuna ug MC Briones Street , Barangay Bakilid, siyudad sa Mandaue.
Giila ang biktima sa Mandaue City Police Traffic Enforcement Unit, nga mao si Kevin Demetria Halabas, 28, anyos ang panuigon, CCTV operator, residenti sa Seaside Street, Barangay Pusok, siyudad sa Lapu-Lapu.
Naila usab ang suspetsado na driver sa dump truck nga mao si Nestor Celeno Caramihan, 37anyos, residenti sa Sitio Lemonsito, Barangay Umapad, dakbayan sa Mandaue.
Sa inbestigasyon nga gihimo sa MCPO, Traffic Enforcement Unit, nga ang duha ka mga sakyanan nag biyahi sa opposite na direction diin sa pag abot na sa naasoy nga lugar nagka bangga kini.
Sa kuha sa dash cam sa maong aksidenti gituhuang ni beat the red light si Caramihan na ni resulta sa pag dasmag ni Halabas og nalagpot pipila ka metros ang gilay-on.
Sa pagkakron padayong gitanggong ang driver samtang giandam ang tukmang batok niini.
(Renante Lada)