Napulo ka Support to Barangay Development Program (SBDP) projects sa lain-laing barangay sa Gutalac ang gi-undergo og validation sa Local Government Unit sa Gutalac ug Department of the Interior and Local Government aron maseguro ang hapsay ug epektibong implementasyon niini.
Ang mga benepisyaryong barangay naglangkob sa La Libertad, Loay, Banganon, Lux, Sibalic, Panganuran, Tipan, Malian, Buenavista, ug Cocob. Sumala sa LGU ubos sa liderato ni Mayor Eddie Justin Quimbo, ang validation kabahin sa paningkamot nga masiguro nga ang matag proyekto makatubag sa tinuod nga panginahanglan sa komunidad ug makahatag og dugayng benepisyo sa katawhan.
Gipasiugda usab sa lokal nga panggamhanan ang importansya sa transparency, accountability, ug hustong paggamit sa pondo sa gobyerno pinaagi sa padayon nga monitoring ug assessment sa mga proyekto.
Nagpasalamat usab si Mayor Quimbo sa DILG, barangay officials, validation teams, ug uban pang stakeholders nga mitabang sa maong kalihokan alang sa padayon nga kalamboan sa Gutalac.(IKEN B. GULLEM)
Source e: LGU Gutalac -Public Information