Malampusong napahigayon ang 2nd Quarterly Meeting sa City Anti-Drug Abuse Council (CADAC), didto sa City Mayor’s Conference Room sa Dapitan, Hunyo 27,2025.
Ang maong panagtigom kabahin sa mga kasamtangang update sa sitwasyon sa droga ug mga bag-ong pagdakop ubos sa pagdumala sa Philippine Drug Enforcement Agency (PDEA) ug sa Philippine National Police (PNP).
Naglakip kini sa agenda nga naghatag ug bililhon nga mga panabut sa nagpadayon nga mga hagit ug pag-uswag sa kampanya batok sa droga sa matag lungsod ug pag plano sa gisugyot nga pagtukod og Special Drug Education Center (SDEC) gikan sa City Social Welfare and Development Office (CSWD) nga makapalugway sa preventive education, ilabi na sa mga kabatan-onan.
Sa laing bahin, si City Administrator Atty. Amalou Tumapon-Monroyo,mipadayag sa iyang pasalamat sa hugot nga suporta ug padayon nga kooperasyon sa paghimo sa luwasnong komunidad sa dakbayan sa Dapitan ug mahimong drug-free pinaagi sa pag abag sa CADAC members, office heads, ug partner national agencies.(Medalyn U. Borja)
Source: City Government of Dapitan