Patay dihadiha dayun ang usa ka biktima nga nailhan sa pangalan nga Joven Dumagao Gantiid 27 anyos, diin gikataho kining gisumbag sa makadaghan higayun ug gibunalan sa ulo sa duha ka lalaking managsuon, didto sa Barangay Patagan lungsod sa Manukan Zamboanga Del Norte.
Ang maong biktima ang gidala gilayon sa tambalanan apan gideklarar na kining Dead On Arrival sa nag atiman nga doctor.
Matud pa ni Patagan Barangay Captain Marlon Mogawa ang maong panghitabo adunay personal nga panagdumot sa matag habig kanila sa suspek ug biktima hinungdan nga nahitabo ang maong insedente.
Sa pagkakaron ang patayng lawas sa biktima gidala gilayon sa pamilya sa ilang panimalay aron mahatagan sa saktong kapahulayan sa iyang haya.
Sigun pa sa Manukan PNP ang duha ka suspetsado ang anaa na sa kustudiya sa ilang buhatan ug magpaabot na sa kasong ipahamtang batok kanila.(Angelica T. Obina)
Source MANUKAN MPS