Gipahigayon kagahapon Mayo 26, 2026 sa Provincial Capitol ang usa ka tigum sa Provincial Committee on Anti-Trafficking ug Violence Against Women and Their Children (PCAT-VAWC) nga nagtumong sa pagpalig-on sa kampanya batok sa human trafficking, pag-abuso, ug kapintas batok sa kababayen-an ug mga bata.
Mitambong niini si PCOL Abubakar Udang Mangelen Jr, Provincial Director sa Cebu Police Provincial Office, isip suporta sa padayon nga paningkamot sa pagpanalipod sa mga vulnerable nga sektor sa komunidad.
Ang tigum gipangunahan ni Gob. Pamela S. Baricuatro ug gitambongan sa nagkalain-laing ahensya sa gobyerno ug stakeholders nga nagtinabangay aron mapalig-on ang kooperasyon batok sa human trafficking ug pagpanalipod sa mga biktima sa abuso.
Sa diskusyon, gihisgutan ang mga kasamtangang programa, mga pamaagi sa pagpalig-on sa proteksyon sa mga biktima, serbisyo sa suporta, ug mga kampanya sa pagpahibalo sa katawhan bahin sa mga peligro sa trafficking ug violence.
Giingon sa CPPO nga magpadayon sila sa ilang dedikasyon sa pagpanalipod sa katungod sa tawo, pagseguro sa kaluwasan sa komunidad, ug pagpalig-on sa seguridad ilabi na sa kababayen-an ug mga bata sa lalawigan sa Cebu.
I via Renante Socia Lada