Arestado sa gikasa nga intelligence driven operation sa mga personahe sa kapulisan ang usa ka 28 anyos nga nurse, mga alas 3:30 ang takna sa kahapunon, Marso 13, 2025 didto sa Brgy. Fatima, Liloy, Zamboanga del Norte.
Naaresto kini pinaagi sa mga personahe sa Tampilisan MPS ug sa koordinasyon sa Liloy MPS ubos sa warrant of arrest sa kasong Reckless Imprudence Resulting in Physical Injury and Damage to Property nga gi-isyu ni Hon. Grace C. Tillah sa RTC 9th Judicial Region , Branch 28, Liloy, Zamboanga del Norte, pinetsahan Desyimbre 5, 2024,nga adunay piyansa nga girekomendar nga mobalor sa P24, 000 ka pesos.
Ang dinakpan gipahibalo sa iyang mga katungod sa konstitusyon ug anaa kini karon sa kustodiya sa Tampilisan MPS alang sa tukmang disposisyon. (Medalyn U. Borja)
(Source: ZNPPO)