Gisugdan sa dakbayan ang ika-27 nga P’gsalabuk Festival pinaagi sa usa ka mabulukon ug malipayong “Tuloy Salu-Salo” niadtong Mayo 15, 2026 sa Dipolog Boulevard duol sa breakwater, nga nagdala sa tema nga “Unity Amidst Diversity.”
Nagkatapok ang mga opisyal sa syudad, bisita, ug mga residente nga nagsul-ob og makolor nga Aloha-inspired outfits isip simbolo sa panaghiusa ug selebrasyon. Napuno sa katawa, musika, ug panag-uban ang maong kalihokan diin gipakita usab ang tradisyonal nga pagluto sa mga pagkaong paborito sa mga Dipolognon sama sa sugba, kilaw, ug tula.
Gipangunahan ni Mayor Roberto Y. Uy ug Vice Mayor Senen O. Angeles ang opening program diin ilang gipasiugda ang importansya sa panaghiusa ug partisipasyon sa komunidad alang sa padayon nga kalamboan sa syudad.
Mitambong usab sa kalihokan si Mayor Evelyn T. Uy, mga miyembro sa City Council, barangay officials, provincial board members, representante sa national agencies, uniformed personnel, educators, ug lain-laing stakeholders.
Dugang kadasig sa selebrasyon ang opisyal nga pagbukas sa Bancarera Tournament diin gipahigayon ang motorboat race ubay sa baybayon sa boulevard nga gidagsa sa mga manan-aw ug festival-goers.
Ang maong kalihokan maoy nagsilbing pagsugod sa masigla ug makahuluganon nga selebrasyon sa P’gsalabuk Festival nga nagpadayon sa pagpasigarbo sa kultura, panaghiusa, ug kusog nga espiritu sa komunidad sa Dipolog.(IKEN B. GULLEM)
Source: Dipolog City Government