Usa ka Fire Drill and Safety Lecture ang gipahigayon sa mga personahe sa Sindangan Central Fire Station sa KATIPUNAN BANK- Sindangan, niadtong Mayo 15,2026.
Ang maong aktibidad gipangulohan ni FSINSP FRANCIS CARL T PAULITE, MPA, Municipal Fire Marshal, alang sa kaluwasan ug kaandam sa publiko.
Gisugdan ang kalihokan sa usa ka informative Fire Safety Lecture diin ang mga personahe naghisgot sa kasagarang hinungdan sa sunog sa mga establisemento sa Negosyo,kaluwasan sa kuryente, ug ang kamahinungdanon hustong housekeeping,aron mamentinar ang gamit ug ang mga kagamitan sa pagpanalipod batok sa sunog.
Ang maong kalihokan nagpunting ngadto sa mga empleyado alang sa saktong paggamit sa mga fire extinguisher gamit ang T-PASS technique (Twist the Pin – Pull, Aim, Squeeze, Sweep).
Homan sa nasangpit nga lecture usa ka full-scale Fire Drill simulation usab ang gihimo aron sulayan ang plano sa pagtubag sa emerhensiya sa establisemento.
Usa ka pagpalanog sa alarma ang gihimo,timailhan nga ang mga empleyado muhimo og hapsay nga pagbakwit paingon sa gitudlo nga assembly area usa ka pamaagi sa pagbakwit sa emerhensya, ug ang kamahinungdanon sa pagpabiling kalmado panahon sa mga emerhensya sa sunog.
Sa samang higayon ang mga kawani sa Shift B hugot nga nagmonitor sa dagan sa pagbakwit, oras sa pagtubag, ug pagkamay tulubagon sa mga empleyado aron masiguro nga ang mga protocol sa kaluwasan husto nga gisunod.
Ang kalihokan naglakip usab sa usa ka hands-on nga demonstrasyon sa mga batakang pamaagi sa pag-away sa sunog ug tukma nga koordinasyon sa panahon sa emerhensya.
Gipalig-on niini nga inisiyatiba ang panagtambayayong tali sa Bureau of Fire Protection ug sa pagdumala sa KATIPUNAN BANK-Sindangan sa pagpasiugda sa kultura sa kaluwasan ug pagpangandam sa trabahoan.
Ang Sindangan BFP Personnel nagpabilin nga lig-on sa ilang misyon sa pagpanalipod sa kinabuhi, kabtangan, ug sa kinaiyahan pinaagi sa pagsiguro nga ang komunidad kanunay nga andam sa sunog ug mahunahunaon sa kaluwasan pinaagi sa padayon nga edukasyon ug praktikal nga mga pagbansaybansay.(MEDALYN U. BORJA)