Malampusong nadawat sa 273 ka mga Benepisyaryo sa Duha ka Barangay sa dakbayan sa Dapitan, ang Family Food Pack’s pinaagi sa Department of Social Welfare and Development (DSWD), niadtong adlaw, Setyembre 25, 2025.
Nasasayran nga ang nasangpit nga mga FoodPack’s gi-apod-apod ngadto sa mga rehistrado ug napamatud-an nga mananagat sa Brgy. Liyang ug Brgy. San Pedro, diin ang maong programa, gipangunahan sa mga personahe sa Department of Social Welfare and Development (DSWD) sa koordinasyon sa Lokal nga Pangagamhanan sa Dapitan, pinaagi sa City Agriculture Office ug City Social Welfare and Development Office (CSWDO) ug sa 1st District Congressional Office.
Dugang niini, nga Ang maong inisyatibo nagtumong sa pagtabang sa mga mananagat nga naapektuhan ang ilang panginabuhian tungod sa mga bagyo nga miigo sa Probinsiya bag-uhay palang. Tungod sa maong ayuda dako ang pasalamat sa mga benepisyaryo ngadto sa ilang Mayor ug sa ilang Congressman sa Primero Distrito Roberto sa ilang gibuhat nga inisyatibo sa paghatag og pagtagad sa kahimtang sa mga mananagat.
Ang mga Food Packs dakong tabang aron mapagaan ang sitwasyon sa mga Benepisyaryo niini labi na ning panahona nga naglisod ang panginabuhian sa mga Fisherfolk’s, labi pa nga nakasinati og kalamidad kabahin sa kahimtang sa panahon. Nasayran nga mitambong usab sa maong Programa si Konsehal Dini-ay sa maong pagpang-apod-apod aron ipakita niini ang iyang suporta sa mga mananagat ug sa mga programa sa lokal nga pangagamhanan alang sa mga nanginahanglan nga mga Dapitanon.(Julius Esmade)
Source: CITY GOVERNMENT OF DAPITAN