Mipahigayon og Tour sa Dapitan City Hall ang 28 ka mga Tourisim Student ug mga Faculty Member sa Pilgrim Christian College sa Cagayan de Oro City, niadtong nakalabay’ng adlaw, Setyembre 25, ning tuig 2025.
Gipangunahan ang nasangpit nga mga estudyante ni Ms. Rosario P. Campaña, MBM, BS Tourism Coordinator sa nasangpit nga tulunghaan, diin ang nasangpit nga grupo mainitong gi-welcome sa pagpanguna ni Dapitan City Vice Mayor Gabriel M. Cad ug ni City Tourism Officer Ms. Apple Marie Agolong, pinaagi usab sa suporta sa mga personahe sa City Tourism sa nahisgutang dakbayan, diin gipahigayon niini og hamubo nga tour sa mga pili nga dapit o lugar sulod sa maong City Hall, pinaagi sa paggiya ni Senior Tourism Officer Ma. Victoria C. Bangcua.
Matud pa, nga ang Dapitan City mao ang nag-unang dakbayan dinhi sulod sa Probinsiya sa Zamboanga Del Norte, ang ginadagsa og mga Torista, tungod sa mga makasaysayanong mga dapit niini, diin ang atung nasudnong Bayani nga si Dr. Jose P. Rizal mao ang nahimong hinungdan, nga ang dakbayan sa Dapitan naila dili lamang dinhi sa tibuok Nasud, kon dili lakip na niini sa Daghanang mga kanasuran sa tibuok kalibutan.(Julius Esmade)
Source: CITY GOVERNMENT OF DAPITAN