Nakit-an na ang mga patay’ng lawas sa mag-amahan nga gi-report nga na-missing niadtong Biyernes, sa Barangay Bagasawe, lungsod sa Tuburan.
Unang nakit-an ang amahan nga si Marcelino Suelto, 69-anyos, mga alas 7 sa buntag kagahapon, naglutaw sa dagat duol sa Barangay 6 Poblacion.
Pipila ka oras ang nilabay, nakit-an usab ang lawas sa iyang anak nga si Joselito Suelto, 49-anyos, duol sa Fish Sanctuary sa Bagasawe.
Nasayran nga namukot ang duha ka pamilya niadtong sa kaadlawon s biyernes, apan wala na kini nakauli ug gideklarar silang na-missing.
Dali gihimo ang search and rescue operation sa mga sakop sa Philippine Coast Guard, apan wala kini makit-e hangtod nga nadiskubrehan ang ilang mga patay’ng lawas sa mga lokal nga mananagat.
Gisusi na sa mga otoridad ang insidente ug gipaabot usab ang tabang sa pamilya nga Suelto nga naulahi sa trahedya.
📸 Contributed
I via Renante Socia Lada