Dakpan ang usa ka 26 anyos nga wanted person sa kasong Homicide atol sa gikasa nga operasyon mga alas 8:29 ang takna sa kagabhion niadtong Abril 21, 2026, didto sa Barangay Potungan, Dapitan City, Zamboanga del Norte.
Naila ang dinakpan nga wanted person nga si alyas “Aloy” 26 anyos,Lalaki, usa ka trabahante ug residente sa Sitio Pamantalan, Barangay Diwan, Dipolog City, Zamboanga del Norte.
Gidakop pinaagi sa mga personahe sa AKG MFU Dapitan Tracker Team (lead unit) uban sa koordinasyon sa Dapitan City Police Station ug Dipolog City Police Station pinasikad sa warrant of arrest sa kasong Homicide nga gi-isyu sa Acting Presiding Judge sa Regional Trial Court, 9th Judicial Region, Branch 8, Dipolog City, Zamboanga del Norte, nga gipetsahan Marso 22, 2024, uban ang girekomendar nga piyansa nga Php 120,000.00 para sa iyang temporaryong kagawasan.
Ang akusado gipahibalo sa hinungdan sa iyang pagkadakop ug mga katungod sa konstitusyon ubos sa RA 9745 (Anti-Torture Act of 2009) sa pinulongan nga iyang hingpit nga nasabtan.
Kasamtangang anaa na kini karon sa kustodiya sa Dapitan CPS samtang naghulat sa pagbalik sa warrant of arrest ngadto sa nag isyu nga Korte.(MEDALYN U. BORJA)
Source: ZNPPO