Sikop ang usa ka Most Wanted Person atol sa gipatoman nga operasyon sa mga personahe sa kapulisan mga alas 8:20 ang takna sa kagabhion niadtong Abril 21, 2026, didto sa Poblacion North, Polanco, Zamboanga del Norte.
Ang dinakpan giila nga si alyas “Goygoy,” 19 anyos, usa ka estudyante ug residente sa Purok Rising Hope, Barangay Sianib, Polanco, Zamboanga del Norte.
Nalista isip Top 10 Most Wanted Person (Municipal Level) gidakop sa mga personahe sa Polanco MPS pinaagi sa bisa sa warrant of arrest tungod sa paglapas sa Section 10(a) sa Republic Act 7610 nga gi-isyu sa Presiding Judge sa Family Court, Ninth Judicial Region, Branch 4, Dapitan City, Zamboanga del Norte, nga gipetsahan Abril 21, 2026, nga adunay girekomendar nga piyansa nga Php 80,000.00 alang sa iyang temporaryo nga kagawasan.
Ang dinakpan anaa na karon sa kustodiya sa Polanco MPS alang sa hustong disposisyon.(MEDALYN U. BORJA)
Source: ZNPPO