Nadakpan sa hiniusang operasyon sa mga personahe gikan sa CIDG Zamboanga del Norte PFU, Dipolog CPS, RIDMD9, ug R.T ang gi-tag isip Top 2 Regional Most Wanted Person ug Top 7 Provincial Most Wanted Person sa Enhanced E-Warrant system mga alas 10:08 sa gabii niadtong Hulyo 14, 2025.
Ang operasyon miresulta sa pagkasikop ni Datu Nuljhan Gumandol Dacula, 26 anyos, lalaki, minyo, ug residente sa Purok Jupiter, Bangkerohan, Ipil, Zamboanga Sibugay.
Ang pagkasikop gihimo ubos sa Warrant of Arrest alang sa krimen nga Robbery with Homicide (Criminal Case No. 1-10193) nga giisyu ni Hon. Anthony Dela Torre-Isaw, Presiding Judge, RTC, 9th Judicial Region, Branch 24, Ipil, Zamboanga Sibugay, pinetsahan Agosto 14, 2024, nga walay piyansa nga girekomendar.
Ang suspek gidala sa CIDG ZDN PFU alang sa dokumentasyon ug saktong disposisyon sa dili pa ibalik ang warrant ngadto sa nag-isyu nga korte.(Medalyn U. Borja)
Source: ZNPPO