Sa mga alas 12:15 sa udto niadtong Hulyo 14, 2025, malampusong nasikop sa mga operatiba sa Tracker Team sa Sindangan Municipal Police Station (MPS), pinangulohan ni PLTCOL JOSE F. RIVERO III, Hepe sa Kapolisan, ang usa ka wanted person sa Barangay Goleo, Sindangan, Zamboanga del Norte.
Giila ang dinakpan nga si Jonard Belotindos Yula, 48 anyos, lalaki, minyo, drayber , ug residente sa Barangay Mandih, Sindangan, Zamboanga del Norte.
Ang suspek gidakop pinaagi sa usa ka Warrant of Arrest alang sa krimen nga Consented Abduction, ubos sa Criminal Case No. S-4363, nga gi-isyu ni Hon. Oscar D. Tomarong, Acting Presiding Judge sa RTC Branch 11, 9th Judicial Region, Sindangan, Zamboanga del Norte, pinetsahan Abril 23, 2010, nga adunay girekomendar nga piyansa nga mobalor sa Php10,000.00 alang sa iyang temporaryong kagawasan.
Ang suspek anaa na karon sa kustodiya sa Sindangan MPS alang sa tukmang disposasyon.(Medalyn U. Borja)
Source: ZNPPO