Arestado sa kapulisan sa gikasa nga operasyon ang usa ka Lalaki niadtong Disyembre 9,2024,didto sa Barangay Sinaman, dakbayan sa Dipolog,sa may alas 6: 19 ang takna sa kagabhion.
Giila ang maong akusado nga si Jimboy Ticong Jauculan, 24 anyos, ug residente sa Purok Parpagayo, Barangay Sinaman, Dipolog City, Zamboanga del Norte kinsa gi-alegar tungod sa paglapas sa krimen nga Lascivious Conduct ubos sa Section 5 (B) sa R.A. 7610.
Na aresto kini pinaagi sa CIDG Zamboanga del Norte PFU, Dipolog CPS, ug 5th SOU-MG sa Barangay Sinaman, dakbayan sa Dipolog, ubos sa warrant nga gi isyu ni Hon. Nestor Rabulan Angeles, Presiding Judge sa Family Court, RTC Branch 3, Dipolog City, pinetsahan og Disyembre 9, 2024, nga walay girekomendar nga piyansa.
Ang suspek gipahibalo sa iyang mga katungod sa konstitusyon, lakip na ang mga katungod sa Miranda ug Anti-Torture Warning Law, ug sa pagkakaron anaa sa kustodiya sa CIDG ZDN PFU alang sa dokumentasyon ug tukma nga disposisyon.(MEDALYN U. BORJA)
Source: ZNPPO