Anaa na sa pagsaka ang Dipolog City sa 2nd Class City diin gi basehan kini sa gipagawas sa Department Order No. 074-2024 kun “Schedule of Income Reclassification for the First General Income Reclassification of Provinces, Cities and Municipalities Based on the Income Ranges under Republic Act No. 11964” gikan sa Department of Finance (DOF) nga pinirmahan ni Secretary of Finance, Secretary Ralph G. Recto ug gikatakda kining mo epekto karong umaabot Enero 1, 2025.
Kini naglatid sa Department order, ang pagpatuman sa maong “income classification” ang gibase sa “computation” sa “Annual Regular Income” ug “Average Annual Regular Income” sa usa ka probinsya, munisipalidad o siyudad.
Kahinumdoman nga ang dakbayan sa Dipolog ang nahulog sa “income range” nga “2nd class city” diin matud pa, adunay “Average Annual Regular Income” nga 1 bilyon ka pesos ug dili molapas ngadto sa uno ponto tres 1.3 bilyones ka pesos.
Sa mga nakalabay’ng DOF Department Order No. 23-08, gi-deklarar nga “3rd Class City” ang dakbayan sa Dipolog, pero sa bag-ong “income reclassification” niini sa DOF, misapadas og na sa pagka-“2nd Class City” ang dakbayan diin nagpakita kini nga adunay paglambo sa panudlanan ingon man makita usab sa dakbayan ang pagka progresibo ilabina
sa mga natad sa mga dagkung negosyo karon nga anaa na dinhi sa dakbayan sa Dipolog.
Ug daku kining garbo sa liderato ni City Mayor Darel Y. Uy. (Angelica T. Obina)
Source: DIPOLOG CITY GOVERNMENT